BAGUIO CITY – Nadalusanen ti nauram a paset ti maikatallo a kadsaaran ti Marbay nga adjacent ti Maharlika Livelihood Center ita nga aldaw.
Daytoy ket babaen iti nagtinnulong a pwersa ti Public Order and Safety Division, Baguio City Police Office, Philippine Navy, City Environment and Parks Management Office, ken dadduma pay para iti pannakaikkat dagiti nauram a kagawaan iti nasao a lugar.
Nangisayangkat met ti City Buildings and Architecture Office ti hammer testing wenno structure integrity test iti paset ti pasdek a nauram tapno maipasigurado nu mabalin pay a maaramat daytoy ken natalged para kadagiti tenants ken customer.
Kalpasan ti naisayangkat a test, nailukat dagiti stalls nga adda iti ground floor ken maika-dua a kadsaaran ti Maharlika Livelihood Center ita nga aldaw.
Kabayatanna, maisimsimpa ti sewerage system ken manarimaan paylaeng ti inspection nu mabalin a mailukat ti maikapat a kadsaaran partikular dagiti stalls a batog ti nauram a paset ti maikatallo a kadsaaran.
Maipalagip nga uppat nga stalls ti nakaro a naapektaran pakairamanan ti antique shop, meat shop, eatery ken salon shop.
Iti agdama, manarimaan paylaeng ti imbestigasyon ti Bureau of Fire Protection – Baguio seknan iti nagtaudan ken danyos ti uram.
