Nagballaag ni International Criminal Court Assistant to Counsel Atty. Kristina Conti a mabalin a makaapekto iti posibilidad ti pannakawayawaya ni sigud a President Rodrigo Duterte ti nagbalin nga statement ni Senate President Alan Peter Cayetano no sadino depdepensaanna ti war on drugs ti maudi nga administrasyon.
Sigun kenni Conti, mabalin gamin a babaen iti statement ti senate president, maipakita ti agtaltalinaed nga impluwensiya ken koneksyon ni sigud a President Duterte iti pagilian a Pilipinas, banag a mabalin nga kitaen ni International Criminal Court (ICC).
“E ‘yung statement lang ni Allan Peter Cayetano… na sinasabi niyang it was about [pro] life, ang gustong patayin ay drugs sa war on drugs. Senyales na ‘yon na malakas pa rin ang kapit at mukhang may tutulong sa kaniyang tumakas kung sakaling makauwi,” sigun kenni Conti.
Maipalagip nga dinakamat ni Senate President Cayetano babaen iti maysa a Facebook Livestream a maysa a “pro-life” ken “human rights” campaign ti war on drugs iti naudi nga administrasyon. Sigun kenni Senate President Cayetano, panggep ti nasao a programa a protektaran ti komunidad iti pagilian kontra iti ilegal a droga.
Iti agdama, awan pay laeng ti statement ni Senate President Cayetano seknan iti nagbalin a komento ni Conti. //bombokaren.c.sapirao
