BAGUIO CITY – Sumangsangon iti dua a kaso ti maysa nga street level drug personality kalpasan a natiliw daytoy sadiay Bagalay, Tayum, Abra idi Lunes, March 15 kagiddan ti agtultuloy nga implementasyon ti simultaneous anti-criminality and law enforcement operations iti rehiyon Cordillera.
Nabigbig daytoy a ni Boyet Atmosfera, 33-anyos, nakalista nga Street Level Individual.
Natiliw daytoy iti buy-bust operation a naisayangkat iti asideg ti balayna.
Nakumpiskar kenkuana ti dua a pakete ti maatap a shabu, maysa a caliber 45 pistol a naglaon ti maysa a magazine ken pito a bala; maysa pay a magazine a naglaon ti lima a bala, ti naaramat a buy-bust money, motorsiklo ken cellphone.
Naipila metten dagiti kaso a panaglabsing iti RA 9165 wenno Comprehensive Dangerous Drugs Act of 2002 ken RA 10591 wenno Comprehensive Firearms and Ammunition Regulation Act kontra kenni Atmosfera.
