Imbilin ti Land Transportation Franchising and Regulatory Board (LTFRB) ti pannakaipatungpal ti structural integrity inspections kadagiti parapubliko a transportation hubs kadagiti lugar a naapektaran iti magnitude 7.8 a ginggined idiay Sarangani.
Sigun kenni LTFRB chair Vigor Mendoza II, panggep daytoy a masigurado ti kintalged dagiti pasahero ken dagiti kakadua dagitoy iti PUV sector.
Kabayatanna, nabilin ti Regional Franchising and Regulatory Offices (RFROs) kadagiti lugar a naapektaran a makikoordinarda kadagiti local government units (LGUs) ken Department of Public Works and Highways (DPWH) tapno masukimat dagiti amin a bus terminals ken dadduma a public utility vehicle (PUV) hubs.
Makikoordinar metlaeng dagitoy kadadagiti transportation terminal owners ken operators iti pannakaipatungpal ti inspeksion.
