Naibayog iti Tropical Cyclone Wind Signal No. 1 dagiti sumagmamano a paset ti Cagayan kalpasan a napagtalinaed ti Tropical Depression Julian ti kapigsana bayat nga aggargaraw iti Philippine Sea.
Karaman ditoy ti Babuyan Islands ken daya a paset ti mainland Cagayan (Santa Ana, Gonzaga, Gattaran, Lal-Lo, Baggao, Buguey, Aparri, Santa Teresita, Camalaniugan, Peñablanca, Ballesteros).
Naudi a nasaripatpatan ti sentro ti Tropical Depression Julian iti 445 kilometers east southeast ti Itbayat, Batanes, wenno iti 425 km east ti Basco, Batanes.
Imetna ti kapigsa nga angin a dumanon iti 55 km/h ken panagbanesbes nga agingga iti 70 km/h.
Madama nga aggargaraw daytoy iti southwestward iti 20 km/h.
Posible a pumigsa ken agbalin a tropical storm ti Julian ita a rabii wenno inton bigat ti agsapa ken agbalin a naan-anay a bagyo inton Dominggo.
