Naratipikaran iti Senado ti sumagmamano a priority bills iti administrasion ni President Marcos Jr. sakbay a nagleppas ti 19th Congress sine die idi Miyerkules ti rabii.
Karaman ditoy dagiti report ti bicameral conference committee maipapan iti Enhanced Fiscal Regime for Large-Scale Metallic Mining Act ken ti Accelerated and Reformed Right-of-Way (ARROW) Act, nga agpada a nailista kas “top priority” measures ti Legislative-Executive Development Council (LEDAC).
Ti naratipikaran a bicameral report maipapan iti Enhanced Fiscal Regime for Large-Scale Metallic Mining Act ket nagtaud iti Senate Bill No.
2826 ken House Bill No. 8937 bayat a ti Accelerated and Reformed Right-of-Way Act ket naratepikaran iti Senado babaen ti bicameral report maipapan kadagiti saan nga agtunos a probision ti Senate Bill No. 2821 ken House Bill No. 6571.
Malaksid kadagiti nadakamat a gakat, naratipikaran metlaeng ti pannakailaylayon ti termino ti barangay and Sangguniang Kabataan (SK) officials iti uppat a tawen, ti Judiciary Fiscal Autonomy Act , National Internal Revenue Code of 1997, Philippine Nuclear Energy Safety Act, ken ti Career Progression System for Public School Teachers and School Leaders Act.
