BAGUIO CITY – Nakaawat iti P5,000 a fuel subsidy dagiti sumagmamano a drivers iti siudad ti Baguio.
Ti nasao a subsidiya ket nagtaud manipud iti City Social Welfare and Development Office (CSWDO) ti siudad.
Iti pannakiuman ti Bombo Radyo kenni Mr. Wilson Bumay-et, presidente ti Jeepney Federation iti Baguio-Benguet, kinunana a dumanon iti 1,912 dagiti drivers a maipaayan iti tulong.
Sigun kenkuana, scheduling ti pannakaipaay ti subsidiya no sadino, mangrugi iti alas ocho ti agsapa agingga iti alas singko ti malem.
Kabayatanna, sumagmamano a grupo dagiti drivers ti nagreklamo kalpasan a saanda a naipaayan iti tulong.
Nupay kasta, inlawlawag ni Bumay-et a dagitoy dagiti saan a nangisubmitir iti masterlist iti City Engineering Office.
Iti baet dayta, makidkiddaw nga agisubmitirda iti masterlist tapno maipaayan metlaeng dagitoy iti tuloy.//mp4
