Dakkel ti bimabaan ti water supply ti La trinidad water district no idilig idi napalabas a tawen gapu iti kinapudut ti panawen.
Sigun kenni Engr. Jancel Burgos, Department Manager ti La Trinidad Water District, bimmaba iti agarup 10% ti supply ti danum.
Inlawlawagna a manipud iti agarup 400 cubics, bimmaba iti 360 agingga 370 cubics ti mapatpataud dagitoy.
Innayonna a tunggal Summer a mapaspasaran daytoy isu’t gapuna nga schedule ti pannakaipaay ti suplay ti danum.
Naobserbaranda a nakaro ti epekto ita no idilig idi napalabas a tawen.
Gapu iti dayta, namnamaenda a makaornorda iti tudo manipud iti bagyo.
Iti agdama, tallo a spring ken sangapulo ket pito a deepswells ti water souce dagitoy.
Impetteng ni Burgos a posible nga adda ti adjustments kadagito schedule ti danum kadagiti sumarsarunu a bulan tapno mawarasan amin, partikular dagiti adda iti nangato a lugar a kas iti Lubas, Tawang, Windyhill ken dadduma pay.
Agpalpalagip met dagitoy kadagiti residente nga agsalimetmet iti panagaramat ti danum.//Bombo Noveh Organo
