BAGUIO CITY – Makmaksayanen ti danum nga agtataud kadagiti kangrunaan a river systems ti Cordillera Region.
Sigun kenni National Irrigation Administration (NIA) – Cordillera regional manager Engr. Benito Espique Jr., 25 aigngga 30 percent ti naksay iti danum iti Apayao River, Chico River sadiay Kalinga ken iti Lamut River ken Ibulao River sadiay Ifugao kas maibasar iti kaudian a panagwanawanda idi April 3.
Kinunana a nainget latta ti koordinasyonda kadagiti asosasyon dagiti mannalon para iti panag-inot dagitoy ti danum iti kanito nga agtultuloy ti tikag iti baet ti panagtudona iti sumagmamano a paset ti rehiyon.
Kabayatanna, naamuan a 58 nga ektarya ti pagmulaan kadagiti irrigated areas ditoy rehiyon ti apektado ti El Niño.
Nailista ti 48 nga ektarya sadiay Apayao, 10 nga ektarya sadiay Abra ken 50.5 nga ektarya sadiay Quezon Province a supsuplayan ti Upper Chico Irrigation System ken kangrunaan nga apektado ket mula a pagay ken mais.
Gapu iti daytoy, mangisaysayangkat ti ahensia iti rotation iti irigasyon, information dissemination ken nainget a panangipatungpal iti naituding a water delivery schedule.
