Naangay ti greyhound activity wenno surprise inspection idiay Female dormitory ti Bureau of Jail Management and Penology iti Baguio City ita nga aldaw.
Panggep daytoy nga aktibidad a dalusan ti nasao a pasilidad kadagiti anyaman a pangta iti seguridad nu sadino, nasukimat amin dagiti bed sheets, pungan,pagidulinan ti kawes, ken ti CR dagiti balud.
Maminsan tunggal kwarter ti tawen a maipatpatungpal ti greyhound activities tapno masigurado ti kinatalged ti Bureau of Jail Management and Penology iti Baguio City.
Sigun kenni Jail Inspector Joan Bacayan, Acting Warden ti Baguio City Jail Female Dormitory, dakkel latta ti maipapaay ti nasao nga aktibidad a tulong gapu ta naobserbaran nga adda dagiti gundaway nga adda ti makalibas a balud iti entrance ti nasao a pasilidad.
Awan met ti nakumpiskar a kagawaan iti female dormitory bayat nga iti male dormitory ket nakumpiskar ti vegetable piller, thumb tacks, shaver, small edged metal, ken sharp wood.
Kabayatanna, dumanun iti sesentay kwatro dagiti nakablaud iti femel dormitory nu sadino agtawen ti dua pulo ket tallo(23) ti kaubingan bayat a nasurok tallo gasut met ti nakabalud iti male dormitory nu sadino, agtawen met ti dua pulo ket dua(22) ti kaubingan.//Bombo Jerwin Aquino
