Sumangsango itan iti nagtutuon a kaso ti babai a suspek iti napasamak a pammagsol a nakadangran dagiti walo nga indibidual idiay Lower Magsaysay, Baguio City, idi laeng kanikadua.
Dagiti biktima ket da Jones Caleño Catimo, Jordan Dela Cruz Pino, John Reynald Ordonio Dela Cruz, Joshua Kiwas Tomino, Everton Sukaw Kiange, Artemio Rivera Casugay, Juvanie Balong Calantas kenni Jerson Balong Calantas.
Kabayatanna, ti suspek ket maysa a 19-anyos a babai a saanen nga innaganan dagiti pulis.
Maibasar iti police report, manarimaan nga agur-uray dagiti biktima iti paglugananda nga agawid idi kinarit dagitoy ti menor de edad a kadwa ti suspek.
Gapu iti dayta ket naaddaan iti gulo agingga a dinangran ti suspek dagiti biktima.
Sigun iti suspek, prinotektaranna laeng ti kadwa daytoy rason a naaramidna ti nasao a banag.
Ti suspek ket adda itan iti holding facility ti Station 2 iti Baguio City Police Office ken sumango iti reklamo a multiple frustrated homicide ken multiple attempted homicide.
