BAGUIO CITY – Natakawan iti nagduduma a kagawaan ti Tabuk City Central School sadiay Kalinga kabayatan ti idadalapos ni Bagyo Jenny itay laeng nabiit.
Maibasar iti report, napwersa a nadadael dagiti sumagmamano a classrooms ken tinakaw dagiti saan pay a nabigbig a suspek ti nagduduma nga electronics, 42-inch flat screen TV, maysa a projector, kutsilyo ken kwarta.
Sigun kadagiti mannursuro, naklaatda idi nakitada a napuoran ken naragadi dagiti balunek ti silid iti panagsubli dagitoy iti pagadalan kalpasan ti bagyo.
Nakitada a nadadael ti adjacent room ti pagadalan ken nadadael pay dagiti drawers ti lamesaan dagiti mannursuro.
Mamati met dagiti otoridad a nagaramat dagiti suspek iti tinidor ken bassit a susi tapno malukatanda ti drawer a naikabilan ti alkansiya a naglaon iti kwarta.
Agtultuloy ti imbestigasyon ti pulisya seknan iti nasao nga insidente.
