--Ads--
BAGUIO CITY – Adda itan iti natalged a kasasaad ti tallo nga ubbing bayat a mapukpukaw pailaeng ti maysa iti napasamak a drowning incident sadiay Brgy. Poblacion, San Quintin, Abra.
Nabigbig ti mapukpukaw a ni Rean Faith Cantano, 12 anyos, estudyante ken residente ti Pantoc, San Quintin, Abra.
Maibasar iti report, nagturong iti waig dagiti biktima kadwada ti pamilyada tapnu agpicnic.
Nupay kasta, kabayatan ti panaglangoy dagiti ubbing ket naiyapanda iti naadalem a paset ti waig.
Dagus met a naispal dagiti tallo ngem saan pay a nasarakan ti maysa.
Iti agdama, manarimaan ti search and rescue operation ti nagtipon a pwersa ti San Quintin MPS, 2nd PMFC Abra PPO, BFP San Quintin, MDRRMC ken sumagmamano a maseknan nga umili.
