--Ads--
Indauluan dagiti tallo nga annak ti pimmusay a lider ti Iran a ni Ayatollah Ali Khamenei ti funeral prayer daytoy sadiay Tehran, Iran.
Rinnibu a tattao ken nangato ti ranggona nga opisial ti dimmar-ay iti nasao a seremonia.
Karaman kadagiti dimmar-ay nga annakna da Mostafa, Meysam, ken Masoud Khamenei.
Nagkarkararag dagitoy iti sanguanan ti lungon ti amada a nakamasayaag iti kadakkelan a religious complex sadiay Tehran.
Kabayatanna, saan a dimmar-ay ti maysa nga anak ni Ayatollah Ali a ni Mojtaba Khamenei a maibilbilang kas sumaruno a Supreme Leader ti Iran.
Maipalagip a napapatay ni Ayatollah Ali Khamenei, agraman ti sumagmamano a kameng ti pamiliana, kalpasan ti panagbomba nga inaramid ti Estados Unidos ken Israel idi Pebrero 28, 2026.
