--Ads--
Agpapaimbag iti ospital dagiti tallo nga indibidual kalpasan a nabaliktad ti mini-dump truck a nagkarga ti cement bricks idiay Suello Village, Baguio City pasado alas onse itay agsapa.
Sigun kenni Police Captain Freddy Chumayag, Operation Police Commission Officer ti BCPO Station 9, nagtaud ti mini-dump truck idiay Marcos Highway ken paturong daytoy idiay Km. 4 Asin Road, Baguio City idi naaddaan iti mechanical defect.
Gapu iti daytoy, naidungpar iti riprap ti kalsada a nangitunda iti pannakabaliktadna.
Dagus met a nagresponde dagiti kameng ti 911 on call babaen iti panangidaulo ni Rafael Paeng Valencia a nangipaay iti first aid.
