--Ads--
Dumanunen iti tallo dagiti pimmusay sadiay Davao Region ken Soccsksargen gapu iti epekto ti Bagyo a Kiyapo ken Habagat.
Nupay kasta, kinuna ti National Disaster Risk Reduction and Management Council (NDRRMC) nga agtultuloy nga ibirbiripekarda ti nasao a report.
Kabayatanna, dumanon iti agarup 193,000 nga indibidual wenno nasurok 41,000 a pamilya manipud iti 258 a barangay kadagiti pito a rehiyon ti naapektaran iti napigsa a tudo ken layus.
Iti nasao a bilang, 9,000 a tattao ti agdama nga agnanaed iti evacuation center para iti kinatalged dagitoy.
Maibasar iti datos, dumanon iti 235 a balay ti nadadael sadiay Western Visayas, Zamboanga Peninsula, Soccsksargen, ken BARMM gapu iti nasao a bagyo ken Habagat.
