--Ads--
BAGUIO CITY – Nakemmeg ti maysa a target listed drug personality iti regional level ken ti maysa a kadwana iti panangimplementar dagiti otoridad iti maysa a search warrant sadiay Apayao idi kanikadua.
Rinebbek dagiti narcotics agents ti balay ni BENJIE ALABAN sadiay Atok, Flora, Apayao ken ditoy a naaktuwan ti manarimaan a pot session wenno panagaramat ni Alaban ken ti kadwana a ni Hominick Backday iti mapapati nga iligal a droga.
Nakumpiskar kadagitoy ti sumagmamano a pakete ti maatap a shabu nga aggatad ti P34,000 ken nagduduma a drug paraphernalia.
Inkari met dagiti otoridad ti agtultuloy a panangdalus dagitoy kadagiti babbarangay iti rehion nga apektado iti iligal a droga, pakairamanan ti panakakemmeg dagiti target drug personalities.
