--Ads--
BAGUIO CITY – Nagturongen Team Cordillera sadiay Davao City para iti 2019 Palarong Pambansa a mangrugi inton Sabado, April 27.
Bukbuklen ti 653 nga atleta ken 91 a coaches, opisyales ti Baguio City ken personnel ti Department of Education – Cordillera ti delegasyon ti rehiyon.
Tarigagay ti Team Cordillera a maawagan kas Fearless Highlanders a mapasayaat ti over-all medal standings dagitoy iti Palaro.
Maipalagip nga idi napalabas a tawen ket naragpat ti Team Cordillera ti maikalima a pwesto iti pakabuklan ti torneyo kalpasan a nakaiyawidda iti 25 a gold medals, 22 a silver medals ken 23 a bronze medals.
