BAGUIO CITY – Karaman ni Team Lakay fighter ken ONE Strawweight World Champion Joshua “The Passion” Pacio kadagiti Top 25 MMA Fighters ti ESPN.
Napili ti Top 25 MMA Fighters gapu iti potentials ken kadagiti achievements dagitoy.
Nagun-od ni Pacio ti maika-24 a pwesto gapu iti tallo a nagsasaruno a panangabak daytoy.
Umuna, ti reclamation daytoy iti titulo kontra ken ni Yosuke Saruta iti rematch dagitoy idi Apri 2019 babaen iti Head Kick Knockout.
Maibilang pay kas dakkel a balligi ni Pacio ti panangabak daytoy kontra ken ni Rene Catalan babaen iti Second Round Arm-Triangle Choke idi November 2019.
Maikatlo, naidepensa ni Pacio ti titulo daytoy kontra ken ni Alex Silva iti laban dagitoy iti ONE Championship 107: Fire & Fury idi January 2020.
Sipapannakkel ni Pacio ken ti sibubukel a Team Lakay iti nasao a dayaw.
Malaksid ken ni Joshua, karaman iti ESPN’s Top 25 MMA Fighters ti tallo pay a ONE Championship Athletes.
