--Ads--
BAGUIO CITY – Desidido ni sigud a ONE bantamweight world champion Kevin Belingon a bumangon ken bumawi manipud iti pannaka-abakna iti labanna idi Biernes.
Maipalagip a naabak ni Beligon babaen iti technical knockout iti maikadua a rikos ti labanda ken ni sigud a UFC fighter John Lineker sadiay Singapore.
Inaklon ti Team Lakay fighter a napukaw ti focus daytoy iti game plan.
Gapu iti daytoy, kinunana nga adalenna ti video ti labanda ken ni Lineker tapno makitana no ania dagiti masapul a baliwan ken papintasenna.
Mangnamnama ni Belingon a maaddaan daytoy iti rematch ken ni Lineker ken determinado daytoy a mangipakita iti napimpintas a performance.
