Impeksa ni Senate President Win Gatchalian a napateg ti testimonya ni Col. Raymund Dante Lachica iti impeachment trial ni Vice President Sara Duterte.
Sigun kenkuana, posible nga ikonsidera ti senado ti panagparang ni Lachica iti impeachment court.
Inlawlawag ti Senador a maikon-konsidera ti panagparang ni Lachica, naibasar iti testimonya ni sigud nga Office of the Vice President (OVP) special disbursing officer Gina Acosta, OVP Assistant Secretary ken Assistant Chief of Staff Lemuel Ortonio.
Impanamnama ni Gatchalian nga agparang ni Lachica iti korte no dumteng ti panawen agsipudta, desisyonan paylaeng ti korte no kasapulan a domar-ay daytoy iti impeachment trial.
Kabayatanna, impeksa ni Gatchalian ti suportana iti pangngeddeng ni impeachment court presiding officer Sen. Chiz Escudero a maiparit ti diskusyon maipapan iti merito ti impeachment case, nangruna iti ruar ti proceesing.
