Posible a maysa a “factor” ti kababalin ti kampo ken tignay dagiti “supporters” ni sigud a President Rodrigo Duterte iti deliberasionna iti interim release daytoy iti International Criminal Court.
Sigun kenni Attorney Nicholas Kaufman, mangnamnamada iti temporario a pannakawayawaya ti sigud a presidente.
Iti sidong ti Article 58 ti Rome Statute, ikonsiderar ti korte ti sumagmamano a banag pakairamanan ti boluntario a panagparang ni Duterte, peggad ti pannakalapped ti imbestigasion, ken ti posibilidad a maituloy dagiti mapapati a krimen a naaramid.
Maikonsiderar metlaeng dagiti opinion ti abogado dagiti biktima ken ti Office of the Prosecutor ti International Criminal Court.
Kabayatanna, inyebkas met ni Attorney Gilbert Andres, a mangibagi kadagiti biktima ti dug war ni Duterte, ti nainget a panangkontrada iti temporario a pannakawayawaya ti sigud a presidente.
Iti pakasaritaan, ti International Criminal Court ket nangipaay ti interim release kadagiti innem nga akusado nga indibidual.
No maipaay kenni Duterte iti interim release, mabalin nga ipabaklay ti Pre-Trial Chamber 1 dagiti kondision, mangisayangkat iti tinawen a case reviews, ken, no kasapulan, mangipaulog manen iti arrest warrant.
