Saan a pinaboran ti Timor-Leste ti motion for reconsideration iti kampo ni sigud a Negros Oriental Representative Arnolfo Teves Jr. tapno saan a mapatgan ti extradition wenno panakaisublina iti pagilian a Pilipinas gapu kadagiti sangsangoenna a kaso.
Sigun kenni Department of Justice (DOJ) Secretary Jesus Crispin Remulla, ti panakareject ti kiddaw ni Teves ket dakkel a tulong para iti panakaituloy ti kaso daytoy.
Immuna met nga inaprobaran ti Timor-Leste Court of Appeals ti kiddaw ti Pilipinas para iti panakaisubli daytoy iti pagilian idi napalabas a bulan ti Hunyo.
Maipalagip a ni Teves ken dagiti daduma nga indibidual ket sumangsango iti murder a kaso gapu iti maatap a koneksyon dagitoy iti panakapapatay ni Negros Oriental Governor Roel Degamo.
