BAGUIO CITY – Nabigbig kas kaunaan a World Mixed Martial Arts League (WMMAL) Minimumweight World Champion ti Igorot MMA fighter a ni Jujeath “The Bad Girl” Nagaowa.
Intunda daytoy ti panang-abakna kenni Kannika Bangnara manipud Thailand iti title showdown dagitoy a nagserbi a main event ti fight card ti World Kickboxing League a naangay sadiay Hainan, China idi rabii.
Nangabak ni Nagaowa a sigud a world boxing champion babaen iti submission via rear naked choke iti umuna a rikos ti laban dagitoy.
Iggem ita ni Nagaowa ti professional MMA record a 4 wins, 0 loss.
Kabayatanna, napaay dagiti tallo a Cordillera-based MMA fighters, pakairamanan ti maysa a South Korean kadagiti labanda iti nasao a fight card.
Naabak da Seongjin Chun, Jeremy Bastian ken Biondi Dayangadang babaen iti unanimous decision bayat a naabak ni Kathleen Papti-e babaen iti referee stoppage iti umun a a rikos.
