Naarestar ti 35-anyos a lalaki kalpasan a nakompiskar kenkuana ti ilegal a droga, ken awanan lisensiya a paltog iti search warrant operation a naipatungpal sadiay Barangay Tapapan, Bauko, Mountain Province idi August 5, 2026.
Nakompiskar manipud iti suspek ti lima a heat-sealed transparent plastic sachets a nga addaan iti tugot ti maatap a shabu, glass tooter a naglaun iti liquid substance a maatap a droga, assorted drug paraphernalia, ken maysa nga improvised .22-caliber rifle.
Iti agdama, addan iti kustodiya ti Bauko MPS ti suspek a sumango iti kaso a panaglabsing iti Republic Act 9165 wenno Comprehensive Dangerous Drugs Act of 2002, ken Republic Act 10591 wenno Comprehensive Firearms and Ammunition Regulation Act.
Ballgi ti operasyon babaen iti nagtipon a pwersa dagiti operatiba manipud iti Philippine Drug Enforcement Agency (PDEA) Cordillera – Mountain Province Provincial Office, Bauko Municipal Police Station (MPS), ken Provincial Intelligence Unit / Provincial Drug Enforcement Unit (PIU/PDEU).
