Mangrugi ita nga aldaw ti panangipatungpal iti grupo a Manibela iti transport strike kas panagprotesta kontra iti Department of Transportation-Special Action and Intelligence Committee for Transportation (DOTr-SAICT).
Ti nasao a tignay ket maipatungpal agingga October 15.
Patien ti Manibela a nagbalin a brutal ti DOTr-SAICT kadagiti drivers iti baet nga agtultulnog dagitoy iti pagalagadan iti nasao a komite.
Sigun iti Manibela, maipapaayan latta iti ticket ken mapagmulmulta latta dagiti driver iti baet a nasayaat pay ti kondisyon dagiti yunit wenno lugan dagitoy.
Kagiddan dayta, maipatungpal metlaeng ti protest rally ita nga agsapa iti Petron-Commonwealth Avenue Philcoa idiay Quezon City.
Iti baet a raraemen iti Manibela ti kinapateg iti roadworthiness, impettengda a saan koma a maaramat daytoy a pamay-an tapno gundawayan wenno abuswenda dagiti babassit a driver a makapapataud laeng iti bassit a pamastrekan.
Immunan nga imbinglay iti nasao a grupo nga agtiltiliw iti Special Action and Intelligence Committee for Transportation kadagiti jeepney operators nga awanan iti umno a justification rason a ninagananda daytoy nga anti-poor.