--Ads--
BAGUIO CITY – Sumangsango iti kaso a panaglabsing iti R.A 9165 wenno Comprehensive Dangerous Drugs Act of 2002 ti maysa a lalaki kalpasan nakemmeg daytoy iti operasion dagiti otoridad sadiay Buguias, Benguet idi kalman.
Nabigbig daytoy a ni Adonis alyas Dondon De Guzman, 33-anyos, naasawaan, maysa a tricycle driver, tubo iti Santiago, Isabela ken residente iti Ambabag Guinaoang, Mankayan, Benguet.
Nakumpiskar iti suspek ti dua a pakete ti maatap a shabu nga aggatad iti nasurok P30,000 ken cellphone nga inaramatna iti transkayon.
Iti agdama, addan ni De Guzmaniti iti kustudiya ti kapulisan.
