BAGUIO CITY–Maur-uray paylaeng ti panakaipaay ti financial assistance kadagiti nabatbati a displaced tourism workers ditoy rehion Cordillera a saan a naipaayan idi napalabas a tawen.
Sigun kenni Department of Tourism (DOT) – Cordillera Regional Tourism Representative Sylvia Chinayog, adda pay ti nabatbati a nasurok 11,400.
displaced tourism workers ditoy rehion a saan pay a nakaawat iti P5,000 a tulong pinansial manipod iti Department of Labor and Employment (DOLE).
Dinakamatna a ti nasao a bilang ket manipud iti nasurok 33, 800 a a displaced tourism workers a benipisaryo ti nasao a tulong pinansial bayat a ti dadduma a nasurok 9,900 ket naawatdan ti nasao a tulong pinansial.
Inlawlawagna pay a nagkurang ti naipaluspos a pondo idi napalabas a tawen para iti nasao a tulong isut gapuna a saan a naipaayan amin a benipisaryo,.
Nupay kasta, impanamnamana a maipaay ti nasao a tulong kadagiti saan a nakaawat iti daytoy gaputa nagkiddawen ti DOLE iti kanayonan a pondo para iti nasao a programa.
Inyulit manen ni Chinayog a maysa dagiti agtatrabaho iti sektor ti turismo kadagiti kangrunaan a naapektaran iti pandemya.
