Binabalaw ni U.S. President Joe Biden ita nga aldaw ti pangngeddeng ti Korte Suprema maipapan iti imunidad iti sigud a presidente ken ti kalabanna ti eleksion a ni sigud a President Donald Trump.
Inawagan ni Biden ti pangngeddeng a ‘napeggad a pagulidanan’ a nangaramid ti “disservice” kadagiti amin a tattao nga Amerikano.
Para kenni Biden, ti desision ti Korte Suprema ket mangiparangarang a dakkel ti posibilidadna a saan a maipasidong iti trial ni Trump sakbay ti Nobiembre a singko nga eleksion para iti akemna a mangbaliktad ti resulta iti napasamak a 2020 election.
Natakuatan gamin ita nga aldaw ti United States Supreme Court a saan a maidarum ni Trump gapu iti aniaman nga inaramidna bayat ti panagtakemna wenno panagtugawna kas presidente.
Ngem nupay kasta, mabalin latta a maidarum ni Trump kas maysa a pribado nga indibidual.
Naisangsangayan ti pangngeddeng nu sadinno, daytoy ti umuna a gundaway iti aniaman a porma ti “presidential immunity” manipod iti “prosecution.”
Maipalagip nga agkindadato ni Biden para iti re-election kontra ken ni Trump, ken nakaro ti panangbabalaw ni Trump kenni Biden mainaig iti iseserrek dagiti supporters ni Trump iti United States Capitol idi Enero baente uno, dos mil baente uno nu sadinno, ikalkalintegan ni Trump a nangabak daytoy iti eleksion idi 2020.
Agkandidato ni Biden para iti re-election kontra ken ni Trump ken nakaro ti panangbabalawna iti tignay ti karibalna a mainaig iti panangraut dagiti supporters ni Trump iti U.S. Capitol idi Enero 6, 2021, a namati iti ulbod a panagkuna ni Trump a nangabak iti eleksion idi 2020.
