--Ads--
Nagpangta ni U.S President Donald Trump a patawanna iti 100% a taripa dagiti tagilako ti aniaman a pagilian a mangipataw iti digital services tax kadagiti American technology companies.
Sigun kenni Trump, kasukat ti nasao a taripa dagiti Trade Deals a naaramid iti nagbaetan dagiti pagilian, naipatungpal man, napirmaan wenno saan.
Maipalagip nga immuna a nagpangta daytoy nga ipatawna ti 100% a buis kadagiti French wines no saan nga ibaba ti France ti buisna kadagiti tech firm.
Sigun kenni Trump, kiniddawna iti France a saanda a singiren iti Sales Tax dagiti American companies.
Iti kanito a saanda nga agtungpal, kinunana nga agsingir ti Amerika iti 100% a taripa iti amin a champagne ken amin nga arak a rumrummuar manipud France.
