Nakipagsinnarak ita laeng nga aldaw ni U.S. Secretary of State Antony Blinken kenni Philippine Foreign Secretary Enrique Manalo.
Napagsaritaan ti dua nga opisiales ti maipapan ti tignay nga ipatpatungpal ti China iti South China Sea kontra kadagiti Pilipino nu sadinno, inawagan dagitoy nga “escalatory”.
Sigun kenni Blinken idi Miyerkules, dagiti tignay ti China ket mangdadael ti talna ken kinatalged dagiti indibidual.
Impaganetget ni Blinken ti panagkumit ti Estados Unidos iti Pilipinas iti sidong ti Mutual Defense Treaty.
Maipalagip nga ikalkalintegan ti Beijing a teritoryoda ti amin a South China Sea nu sadinno, saanda nga aklonen ti teritorio ti Pilipinas.
Kabayatanna, iti agdama ket agtultuloy latta ti panagbantay dagiti kameng ti otoridad iti West Philipines Sea.
