ENGLAND – Ammo yu kadi mga ka-Bombo a maysa a babai a naiyanak a tuleng ti nakadenggeg manen sadiay England.
Ni Opal Sandy ti kaunaan a tuleng a pasyente ti naipasidong iti gene therapy nu sadino nakadenggeg manen daytoy.
Sigun kenni Jo Sanda, nanang ti ubing, dua pulo ket uppat a lawas ti post-surgery ti napalabas idi naamwanda ti napintas a resulta daytoy a ‘near-normal hearing’.
Sigun met iti tatang daytoy, “mind-blowing” ti positibo a resulta iti nasao a therapy.
Ti nasao a panangagas kenni Opal ket paset ti maysa a groundbreaking global gene therapy trial a namnamaen dagiti doktor a makatulong para iti panakirangetda iti nagduduma a genetic conditions a rason ti panakapukaw ti panagdenggeg dagiti ubbing.
Nalaos met ti ragsak dagiti nagannak gapu iti gundaway a naipaay kadagitoy.
Malaksid iti dayta, awan ti makita da a dakes wenno adverse effects iti therapy kenni Opal.
