--Ads--
BAGUIO CITY – Agtultuloy nga im-imbestigaran dagiti bombero ti panakauram ti maysa a pagtaengan ditoy Baguio City a napasamak idi kanikadua.
Nauram ti maysa a tallo a kadsaaran a pagtaengan ti pamilya ni Jose Ammog-ao sadiay San Vicente, Baguio City.
Naamuan nga adda daytoy iti umuna a kadsaaran bayat nga adda dagiti appokona iti maikatlo a kadsaaran ti balayda nga agbuybuya iti telebisyon idi nadlawna ti uram.
Dagus daytoy a nagpatulong ken kalpasan ti agarup 30 minutos ket naideklara a fire-out.
Nupay kasta, nadangran ti maysa nga apona a dos-anyos nga ita ket agpapaimbagen iti pagagasan.
