--Ads--
Patien iti World Health Organization a saan nga iti uneg iti cruise ship wenno barko a nagun-od iti umuna a pasiente ti hantavirus infection iti MV Hondius.
Sigun iti WHO, ti 70-anyos a Dutch passenger nga immuna a nagsakit ket posible a na-expose iti virus sakbay pay a naglugan iti barko bayat nga adda idiay Argentina.
Tallo ti pimmusayen ken walo ti kumpirmado ken mapagduaduaan a kaso iti hantavirus iti nasao a barko.
Maibasar iti imbestigasion, ti virus ket kadawyan a maal-ala manipod iti infected rodents, ngem adda posibilidad metlaeng a human-to-human transmission iti Andes strain iti hantavirus.
Agtultuloy met nga imonmonitor iti WHO ken dagiti health authorities ti kasasaad bayat a paturong ti MV Hondius iti Canary Islands.
