Kinumpirmar ti Iloilo City Health Office ken ti Iloilo Provincial Health Office a nailista dagitoy ti umuna a kaso ti monkeypox sadiay Iloilo bayat nga uppat nga indibidual ti manarimaan a maob-obserbaran.
Sigun kenni Dr. Mary Ann Diaz, dadaulo ti Iloilo City Health Office, dagiti lima nga indibidual ket naka-isolate kasta met a naiyunay-unayna ti kinapateg ti proper hygiene, ti panag-ugas ti ima babaen iti sabon ken ti panagaramat kadagiti alcohol-based sanitizers.
Naballaagan met laeng ti publiko a liklikkanda dagiti crowded places tapno maliklikan ti skin-to-skin contact kasta met ti dagus a panagpakonsulta dagitoy wenno ti panangi-isolateda kadagiti bagida no nariknada dagiti simtomas.
Iti agdama, manarimaan ti panakaipatungpal ti contact tracing para iti dagus a panakaammo dagiti mabalin a naapektaran iti nasao a sakit.
Kabayatanna, kinuna ni Dr. Diaz nga awan met ti travel history ti indibidual a kumpirmado iti sakit a monkeypox.
Naipasigurado met a manarimaan ti koordinasyon dagitoy kadagiti national health agencies para iti panakaipatungpal ti case monitoring.
