--Ads--
Kinumpirmar ita nga aldaw ti Bureau of Animal Industry (BAI) ti umuna a kaso iti ‘Q Fever’ iti pagilian a Pilipinas.
Sigun kenni DA Assistant Secretary ken spokesperson Arnel de Mesa, manipod iti 94 a kalding a simmangpet iti Pilipinas, sangapulo ket siam kadagitoy ti nagpositibo iti Q Fever.
Ti nasao a sakit ket kangrunaan a makaapektar kadagiti ayup a nuang, karnero, ken kalding.
Mabalin a maipasa daytoy kadagiti tattao babaen iti panag-angot iti kontaminado a tapok.
Sigun met kenni Dr. Christian Daquigan, officer-in-charge ti National Veterinary Quarantine Services Division iti Bureau of Animal Industry, kaaduan a kalding a nagpositibo ket manipod idiay Santa Cruz, Marinduque.
