Nasarakan dagiti otoridad ti pakabuklan a sangapulo ket walo a pares a uniporme ti Chinese militar a na-raid iti Philippine Offshore Gaming Operator (POGO) hub idiay Porac, Pampanga.
Sigun kenni Presidential Anti-Organized Crime Commission Undersecretary Gilbert Cruz, agsasabali a uniporme ti nasarakan iti nasao a lugar ken manarimaan a suksukimatenda nu pudno dagiti uniporme.
Kinuna pay ni Cruz a suksukimaten dagiti otoridad nu kukua daytoy ti maysa laeng nga indibidual wenno kadagiti nagduduma a tattao.
Itay laeng nabiit, maysa kadagiti uniporme a nasarakanda ket addaan ti “initials” a “P.L.A.” wenno mangiparparangarang kas People’s Liberation Army (PLA)–organisasion ti Chinese Communist Party (CCP) ken kangrunaan a puersa ti militar idiay China.
Idi kalman, kinumpirmar ti Presidential Anti-Organized Crime Commission nga “authentic” wenno pudno ti uniporme nga addaan ti initials a “P.L.A.”
Ngem nupay kasta, sigun iti Armed Forces of the Philippines (AFP) itay laeng nabiit, posible nga inaramat laeng dagiti Chinese ti uniporme kas “props” kadagiti maiparit nga online transaction.
Kabayatanna, kinuna ni Cruz nga adda pay ti innem a pasdek a sapsapulen dagiti otoridad iti 10 nga ektaria a compound ti nasurok 40 a pasdek.
