Naituding nga ilako ti Commission on Elections (Comelec) dagiti makina nga “unserviceable” precinct count optical scan (PCOS) ken nagduduma a kagawaan sakbay ti eleksion inton 2025.
Iti memorandum a nairuar idi kalman, inadaptar ti Commission en banc ti rekomendasion ti Comelec Disposal Committee (CDC) a mangilako kadagiti saan a mausar a PCOS machines, vote counting machine (VCM) plastic bins nga addaan kalubna, ballot boxes, ken plastic pallets nga agdama a naidulin kadagiti bodega idiay Manila, Las Piñas, ken Sta. Rosa, Laguna.
Inrekomendar ti komite a mailako dagiti precinct count optical scan (PCOS) machine iti Microsphere System Technology iti gatad a P12.26 milion; ken precinct count optical scan (PCOS)/vote counting machine (VCM) plastic bins nga addaan kalubna, yellow metal ballot boxes, ken plastic palets a maipaay iti RHT Storage Center iti gatad a P202,800.
Insingasing ti nasao a komite kadagiti bidders nga i-pull out dagiti items inton naan-anay a mabayadan iti Commission on Elections.
“The Commission, after due deliberation, resolved, as it hereby resolves, to adopt the recommendations of the CDC in the hereto attached and forming integral part hereof, CDC Resolution No. 03-2024 on the sale of unserviceable PCOS Machines, PCOS/VCM plastic bins with cover, yellow metal ballot boxes and plastic pallets of the Commission located at the SMED Building (PhilPost), Port Area, Manila, Sta. Rosa, Laguna warehouse and at the Office of the Election Officer – Las Piñas City.”
