USA – Nadangran ti sumagmamano a flight attendants gapu iti panakariribuk ti American Airlines bayat ti flight daytoy paturong idiay Charlotte, North Carolina, USA.
Nupay kasta, natalged a naglanding ti Flight 2905 iti Charlotte Douglas International airport kalpasan ti kellaat a panakariribuk daytoy.
Awan ti nadangran a pasahero malaksid laeng iti uppat a flight attendant nu sadino dagus a naiturongda iti hospital para iti panakatingiting ti dunor dagitoy.
Sigun pay iti American Airlines, nakalugan ti 154 a pasahero ken innem a crew members iti nasao nga eroplano.
“American Airlines flight 2905 with service from Tampa (TPA) to Charlotte (CLT) landed safely at CLT after encountering unexpected turbulence. We thank our crew members for their professionalism and our customers for their understanding.”
American Airlines
