BAGUIO CITY – Pakabuklan a sangagasut innem a pulo ket siyam a marijuana eradication ti impatungpal ti Philippine Drug Enforcement Agency – Cordillera manipud Marso agingga Hunyo 21, iti agdama a tawen.
Manipud iti nasao a bilang, siyam a pulo ket innem ti naipatungpal iti probinsiya ti Benguet a nangitunda iti balligi a panakadadael ti pakabuklan a gatad ti marijuana a dumanon iti P160,765,000.
Naisayangkat met ti pito pulo ket tallo a marijuana eradication iti probinsiya ti Kalinga a nakadadaelan ti pakabuklan a P933,126,000 a balor ti marijuana.
Kabayatanna, drug-free ti probinsiya ti Benguet, Ifugao, Mt. Province ken Baguio City.
Drug affected paylaeng ti sangapulo ket dua (12) a barangay iti probinsiya ti Abra, lima iti Kalinga ken maysa a barangay iti Apayao.
Iti sabali a bangir, naipasdek ti siyam a Balay Silangan iti probinsya ti Abra, ken maysa iti Ifugao ken Mountain Province.
Ti Balay Silangan Reformation Program ket paset ti PDEA Harm Reduction Efforts a mangidia-diaya iti temporaryo a pagkamangan dagiti drug offenders ken surrenderers.
