Insanud ti uppat kadagiti sigud nga Ex-Marines ken body guards ti pirmaanda nga affidavits seknan iti alegasyonda kontra kenni President Ferdinand “Bongbong” Marcos, Jr., sigud nga Speaker ken Leyte Rep. Martin Romualdez, sigun a Congressman Zaldy Co, ken dadduma pay a personalidad.
Daytoy ket mainaig iti alegasyonda a nakaawat iti minal-maleta a kuarta dagiti nadakamat a personalidad.
Sigun kadagiti uppat a sigud a body guard ni Co, saan a pudno dagiti alegasyon dagitoy.
Inlawlawagda nga imbabawi ti alegasion agsipudta, kayatda nga agbiag iti natalna, ken gapu iti kaso sangsangwen dagitoy.
Innayon dagitoy a nagpirmada iti joint affidavit kalpasan a naikari kadakuada a maipaay ti financial assistance ken siguridad ti pamilyada.
Iti nasao a financial assistance, maatap a naikari kadakuada a saandan nga agtrabaho iti dua a tawen, ken maipaayan iti siguridad ti pamilyada kasukat ti panagpirmada iti joint affidavit.
Kabayatanna, inaklon dagitoy a napilitanda a nagpinirma iti nakasagana nga affidavits kalpasan a maatap a naballaagan dagitoy a sumangoda iti adu a kaso no agkedkedda nga agperma.
Sigun kadagiti uppat nga indibidual, sumagmamano metlaeng kadagiti kakaduada ti agpampanggep nga isanudda ti alegasyon dagitoy.
Inyunay-unay dagitoy nga imbabawida ti alegasyon, babaen iti bukodda a pagayatan.
