Kinumpirmar ti Bureau of Fire Protection (BFP) Central Luzon a dumanon iti uppat nga indibidual ti pimmusay iti narba a pasdek sadiay Angeles City, Pampanga.
Sigun kadagiti otoridad, mapukpukaw paylaeng ti 17 nga indibidual bayat nga agtultuloy ti manual clearing ken operasion gapu iti saan a natalged a kasasaad dagiti debris.
Naka-standy metten dagiti Heavy equipment ngem saan paylaeng a maaramat gaputa posible a marba manen dagiti debris.
Kabayatanna, naiwaras dagiti canine units tapno mabirukan dagiti dadduma a biktima.
Sigun kenni BFP Central Luzon spokesperson Fire Superintendent Maria Leah Saijili, naibakwit dagiti asideg a residente gaputa posible a marba manen ti nasao a pasdek.
Maipalagip a narba ti siam a kadsaaran a pasdek kabayatan ti kontraksion daytoy sadiay Barangay Balibago, Angeles City idi Domingo, Mayo 24, 2026.
