BAGUIO CITY – Nabukel ti maysa a plano para iti pannakapapigsa ti COVID19 vaccination roll out ti rehiyon Cordillera
Kasaruno daytoy iti taripnong nga impatungpal ti Department of Health – Cordillera pakairamanan dagiti nagduduma a line agencies para iti implementasyon dagiti programa iti pannakaiwaras ti bakuna kontra COVID19 ditoy rehiyon
Iti nasao a taripnong, napagsaritaan dagiti possible inputs para iti plano a last mile vaccination strategy-caravan-inspired activity nga addaan iti slogan a “Walang maiiwan, Cordillera bakunahan.’’
Sigun iti DOH Cordillera, kangrunaan a tutukanda iti roll out ti probinsia ti Benguet ken Ifugao kalpasan iti panagtalinaed dagitoy iti Alert level 2 gapu iti nababa a vaccination rate sadiay.
Iti kaudian a datos ti DOH CAR, naragpat ti Benguet ti 60.72 % a vaccination rate bayat a 53.46% ti Ifugao nu sadino adayo paylaeng daytoy iti puntiryada a 70% vaccination rate.
