Kinablaawan ti secretary ti Vatican ni US president-elect Donald Trump idi laeng kalman bayat nga inyebkasna ti panagduaduana iti nasao nga opisial nga awanan daytoy iti “magic wand” tapno mapasardeng a dagos dagiti parikut kas iti impanamnamana bayat ti kampania daytoy.
Sigun kenni Italian Cardinal Pietro Parolin, namnamaenna ti kinalaing manipod kenni Trump gaputa daytoy ti kangrunaan a “virtue” dagiti dadaulo kas maibasar iti Biblia.
Tapno mapasardeng ti pannakabingbingay idiay Amerika, kinuna ni Parolin a namnamaenna a ni Trump ti agbalin a pudno a presidente iti nasao a pagilian.
Ti komento ni Parolin ti umuna a diplomatic reaction iti nasantuan a lugar kalpasan a nagballigi ni Trump para iti White House kontra kenni Democrat Kamala Harris.
Idi laeng Setiembre, binabalaw ni Parolin ni Trump ken Harris gaputa patienna a kontrada iti biag iti nagduduma a wagas gaputa ni Harris ket mangsuporta iti aborsion bayat a ni Trump ket “anti-migrant.”
