--Ads--
BAGUIO CITY- Nakasangpeten dagiti iti COMELEC Benguet Provincial Hub dagiti vote counting machines (VCM) a maarmaat iti probinsia ti Benguet para iti eleksion 2022 intun Mayo 9.
Dumanon iti 762nga VCMs ti inawat ti probinsia a maiwaras kadagiti voting precints iti Baguio City ken Benguet.
Maiwaras ti 491 kadagiti nagduduma a munisipyo iti Benguet mangrugi intun Mayo 3 ken 4 nu sadinno masapa a maiwaras ti VCMs kadagiti nasusulinek a lugar.
Maiwaras met ti 271 nga VCMs iti siudad ti Baguio intun Mayo 7.
Dua a lawas a bantayan dagiti pulis dagiti VCMs iti Provincial Hub sadiay La Trinidad, Benguet.
