BAGUIO CITY – Temporaryo a nasuspendir ti voters registration iti Commission on Elections – Baguio gapu iti manarimaan nga Election Registration Board hearing a nangrugi idi Hulyo 16 ken agleppas inton Hulyo 22, iti agdama a tawen.
Iti interview ti Bombo Radyo kenni John Paul Martin, Election Officer ti Commission on Elections – Baguio, maipatpatungpal ladta ti offsite registration nu sadino maipatungpal daytoy idiay Pacdal inton bigat; idiay South Sanitary Camp inton Hulyo 24; Dontogan inton Hulyo 25; Military Cut-off inton Hulyo 26; central business district (Marva Building) inton Hulyo 27; idiay Mabini para iti special registration for senior citizen inton Hulyo 29; city hall para iti special PWD registration inton Hulyo 30; ken idiay BJMP inton Hulyo 31.
Iti agdama, nasurok 10,000 a botante ti nagparehistro manipud Pebrero agingga Hunyo 30 nu sadino 3,603 idi umuna a period, ken 6,478 ita a period.
