Nangipaulog ti Malolos Regional Trial Court (RTC) ti warrant of arrest kontra iti kontraktor a da Pacificio “Curlee” Discaya ken asawa daytoy a ni Cezarah “Sarah” Discaya pakairamanan ti siyam pay nga indibidudual seknan iti kaso a malversation through falsification of public documents seknan iti maatap a panangawatda iti kickback kadagiti naanomalyaan a flood control projects.
Ti nasao a warrant ket nairuwar, maysa nga aldaw kalpasan a naipila ti kaso a malversation ken graft iti Office of the Ombudsman kontra iti agasawa a Discaya ken dadduma pay a kadua dagitoy.
Sigun iti korte, awan ti nairekomenda a piyansa para kadagitoy.
Kabayatanna, impakaammo ni Department of the Interior and Local Government (DILG) Secretary Jonvic Remulla a naituding a maiyalis ni Curlee Discaya idiay Bulacan inton Lunes, Hunyo 8.
Daytoy ket gapu iti rehabilitasyon ti river construction structure idiay Bulusan, Calumpit, Bulacan iti sidung ti Department of Public Works and Highways (DPWH) Contract ID No. 22CC0058.
Iti agdama, awan pay laeng ti opisyal nga statement manipud iti kampo dagiti akusado seknan iti desisyon ti korte. //bombokaren.c.sapirao
