Naipila manen idiay senado ti pannakaipasa ti Senate Bill 1625 wenno West Philippine Sea Education Act idiay senado kalpasan iti waragawag maipud iti Chines Scholar a paset ti teritoryo ti China ti Batanes.
Nailanad iti nasao a gakat ti panangibilin iti Department of Education (DepEd ) a mangisyangkatda iti kaskenan nga aktibidad kadagiti mannursuro ken instructors seknan iti West Philippine Sea (WPS) Education.
Sigun iti sponsor ti gakat a ni Senator Erwin Tulfo, nu agbalin daytoy a linteg, manayonen kadagiti learing materials ti panangbigbig iti Arbitral Ruling a mangibagbaga a kukua ti pagilian a Pilipinas ti West Philippine Sea, dagiti desisyon ti Korte Suprema, ken linteg ti pagilian seknan iti nasao nga isyu.
Impetteng ni Senator Tulfo a kasapulan ti nasao nga aksyon tapno maliklikan ti pannakaalilaw dagiti Pilipino seknan iti nasao nga isyu.
Sigun kenkuana, napateg nga adda latta ti Basic Education dagiti Pilipino mainaig iti nasao nga isyu.
Kagiddan dayta, binabalaw ni Tulfo ti nagbalin nga statement dagiti Chinese scholars a kukua ti China ti Batanes. //bombokaren.c.sapirao
