Tarigagay dagiti opisyales ti siudad ti Baguio nga awan ti mailista a kaso ti violence against women and their childrens wenno VAWC.
Iti panakiuman ti Bombo Radyo kenni councilor Elmer Datuin, Commitee on Social Services, Women and Children/Urban, napintas ti datos ti suidad seknan iti anti trafficking ken violoence against women and their child (VAWC).
Nupay kasta, adda paylaeng dagiti sumagmamano a babbae a maab-abuso ti suidad iti Baguio.
Impeksana a saan a nangato ti rekord dagiti babbae a maab-abuso iti suidad a ngem tarigagay dagitoy nga agbalin a zero crime wenno awan ti mailista a violence iti suidad.
Imbinglayna pay a nu adda dagiti agreport a babbae a maab-abuso ket dagus a maipa-imimbestigaran dagitoy ken dagus metlaeng nga agtignay dagiti kameng ti Baguio City Police Office, Women Desk ken Barangay Officials.
Iti sabali a bangir, iti datos nga impaay ni Glenda Dacanay, Public Health Science Cluster iti DOH, nu man pay dumanon iti siam a pulo a porsyento ti awareness dagiti babbae maipanggep kadagiti ahensiya a pagpatulunganda ngem uppat a pulo ket innem a porsyento laeng kadagitoy iti agpatpatulong a biktima iti violence manipud kadagiti asawada.
Malaksid iti dayta, nairekord metlaeng iti Rehion Cordillera ti baente a porsyento a babbae a naabuso.
Impeksa ni councilor Datuin a ti rason nu apay a manmanu dagiti agrepreport ti panaka-abuso ket gaputa mabain dagitoy.
Gapu iti dayta, guyguyuguyen ti councilor dagiti maab-abuso a babbae tapno agturung dagitoy iti barangay, womens desk ken pulisya.//Bombo Noveh Organo
