Baguio City- Nagon-od ti Alpha Phi Omega Golfers โ Team Alpha ti umuna a pwesto iti Seniors Am Championship iti panagtultuloy ti 72nd Fil-Am Invitational Golf Tournament sadiay Baguio Country Club golf course.
Iti agdama ket iggem ti APO ti 181 points wenno 12 a puntos a kalamangan ken naituding nga agsubli championship flight dagitoy iti Camp John Hay intun Mierkukes ken Huebes para iti maudi a dua a rikos.
Indaolwan ni Demterio Saclot ti nasao a bunggoy para iti 30 points bayat a nakalista met dagiti kakadwa na a da Reynaldo Talata iti 24 points ken Querubin Alcantara a naka bulsa iti 23 points.
Kabayatan na, nagited met iti 19 points contribution iti APO team ni sigud a CEZA administrator Sec. Raul Lambino.
Kabayatan na, iti agdama ket adda itan iti maikadua a pwesto ti Srixon IMG para iti 169 points kalpasan a nagtabla dagitoy iti APO iti 3rd place iti panagrugi ti ay-ayam idi napalabas a lawas.
Sumarsaruno iti dua a bunggoy ti defending champions a Manila Southwoods para iti 167 points, Dugong Bughaw a naka-ala ti 166 points bayat nga adda iti ngudo iti standing ti day one leader a Megafiber para iti 164 points.
Iti sabali pay a resulta, iti ay-ayam sadiay CJH course, idadaolwan iti agdama ti Sarap Nuhay Gang Seniors Fil D.
Dakkel pay ti namnama a makasubbot dagiti bunggoy ti Fil-Am Oahu Golf Club nga adda iti second place, Ropali nga adda iti maikatlo a pwesto, sarunuen dagiti golf teams a Fil-Am Survivors, Green Canyon Leisure Farms, Pines Golf of California ken Drajdan.
Home Local News ๐๐ฃ๐ข ๐๐ฒ๐ฎ๐บ ๐ฎ๐ฑ๐ฑ๐ฎ ๐ถ๐๐ฎ๐ป ๐ถ๐๐ถ ๐๐บ๐๐ป๐ฎ ๐ฎ ๐ฝ๐๐ฒ๐๐๐ผ ๐ถ๐๐ถ ๐ฆ๐ฒ๐ป๐ถ๐ผ๐ฟ๐ ๐๐บ ๐ถ๐๐ถ...
๐๐ฃ๐ข ๐๐ฒ๐ฎ๐บ ๐ฎ๐ฑ๐ฑ๐ฎ ๐ถ๐๐ฎ๐ป ๐ถ๐๐ถ ๐๐บ๐๐ป๐ฎ ๐ฎ ๐ฝ๐๐ฒ๐๐๐ผ ๐ถ๐๐ถ ๐ฆ๐ฒ๐ป๐ถ๐ผ๐ฟ๐ ๐๐บ ๐ถ๐๐ถ ๐๐ถ๐น-๐๐บ ๐๐ผ๐น๐ณ ๐๐ผ๐๐ฟ๐ป๐ฎ๐บ๐ฒ๐ป๐
--Ads--